Thursday, August 15, 2019

225. තොටියෙකුට බිරිඳව





කෑල තුරු අග මුමුණ මුමුණා - රහස් කියනා බඹරුනේ
දෑල ගඟ ; ගං දෙපස රඳනා - පහස් සොයනා විලසිනේ
සේල මුදමින කොඳුර කොඳුරා - දෑස් පෙළනා කිඳුරණේ
ආල තෙදිනා වරණ වරණා - දුරස් වී හිඳ ඉනු මැනේ

සලිත ගත මත ඉසෙන දියවර - නොවේ මා සිහි කරන්නේ
කලත ගඟ දිය ගැයෙන අමයුර - මැවේ පෙම් ගී ඉතින්නේ
මලිත ගිරවුනි ගයන සුමධුර - ගැයුම මා ගැන කරන්නේ
සුරත මා තුරුලටම ඉඳුවර - කියුම වෙද නොව වටින්නේ?



~~~ මන්ජි

13 comments:

  1. දෑල ගඟ ගං දියට පෙම්බැඳ පහස සොයමින් ආ දිනේ..
    ආල වට්ටම් පෑව ගඟ ඇයි දුරක් ඇවිදින් ගොළු උනේ..
    තාල නැංවූ කුරුළු කුජන තුරු මුදුන් හැර ගිය වනේ..
    කෝල කෝමල අරුම පෙම යලි රැගෙන මාවෙත එනු මැනේ.. :)

    ReplyDelete
    Replies
    1. හබල හසුකර දෙබෑ කරනා දිය කඳුර ලෙස පිපාසේ
      තුමුල වරලස සුසුම් අතුරා දුන මැනව දුල් නුරාසේ
      වදුල සිරසට ගිගුම් දෙවනා රස හැඟුම් පෙති විදාසේ
      පතල සිත්ගැබ රඳන ඔහු මිස නතු නොවෙයි සලෙලෙකු ඇසේ


      Delete
    2. හබල හබරල පිත්ත වාගේ ගඟ දියට සැඩ විලාසේ..
      කබල රත්වී රොටිය කරවී දිව ද ගිලුණා පිපාසේ..
      ලබල තිබුනද සිකුරු හිසමත හතේ අඟහරු සිනාසේ..
      අබල දුබලය අයින් වීලා පයින් යමි පැර දිලාසේ.. :/

      Delete
    3. කිවිඳිය කෙසේ කීවත් තොටියා සිහිබුද්ධියෙන් පැදිය යුතුය!

      Delete
    4. ආ... මේ ඇවිත් තියෙන්නේ
      මම මේ බැලුවා කමියා එක්කම ඉස්සර කමෙන්ට් කරන එක්කෙනා ගඟේ ගියපු හන්දා හොටබරියාට අහුවෙලාද කියල!

      කිවිඳිය ඉතින් ඇහැක් විදියටනේ ලිව්වේ. තොටියා දන්නවා ඒවා පද අරුත් පටලොගන්නේ නැතුව පාදගන්න සහ පැදගන්න !

      Delete
    5. //කිවිඳිය කෙසේ කීවත් තොටියා සිහිබුද්ධියෙන් පැදිය යුතුය!// කිවිඳිය හුරතල් වෙනකොට තොටියා නිකම්ම පිස්සු කෙලිනවානේ බං :)))))

      Delete
    6. //කිවිඳිය ඉතින් ඇහැක් විදියටනේ ලිව්වේ// කිවිදියව ඇහැක් වගේ රැක බලා ගන්න තමයි තොටියත් මේ පදින්නේ පදින්නේ කොච්චරවත්.. :))))))))

      Delete
    7. උදේ ඉර නැගිටින්න පලමුව පිබිද ගඟ රැලි අමතලා
      සඳේ මුව සිප ගන්න නැවතී හබලටම කය වෙහෙසලා
      රැඳේ හද තුල සින්න වුනු ඔබ සමග දරුවන් ගුලි වෙලා
      ළඳෙ ඔබ මය කින්න රාවිය රැකෙණු එන තුරු නුඹ බලා

      Delete
  2. Sinhala bashawa kochchra nan lassanada eya dakshawa hasurawanna puluvn kenekuta hasu unama....

    ReplyDelete
    Replies
    1. සිංහල භාෂාවේ තියෙන්නේ ලස්සන වචන තමයි. ලස්සන වචන වලට මමත් හරි ආසයි.
      බොහොම ස්තුතියි , ආවාට ; කියෙව්වාට , ලිව්වාට

      Delete

මේ කොලේ ගැන ලියමුද? ලිව්වේ නැතත් කියෙව්වට ස්තුතියි

Related Posts Plugin for WordPress, Blogger...