Monday, July 25, 2022

345: උන්මාද චිත්‍රාදෝ මා 77


 

'There is such a special sweetness in being able to participate in creation. My sun, moon and star. Thank you baby girl...'

Instagram ගිණුමේ රශිඳු ගෝකුලගේ බූල් සහිත අත , පැහැපත් මටසිළුටු අතක් මතත්, එක් ඇඟිල්ලක ලපටි අත් තුනක් එක පෙලටත් පැටලී තිබුනු පින්තූරය යටින් සටහන් වී තිබුනු වැකිය නැවත කියවූ වන්‍යා නැවතී තිබුනු ඉකියට නිදහස් වන්නට ඉඩ ලබා දුන්නේ අකීකරු ලෙසය.

රශිඳු ගෝකුල ! 

ඔහුව අමතක කරන්නට නොහැකි තරමක්! ප්‍රේමය මෙතරම් වේදනාවක් ගෙනදෙන වග දන්නවානම් කිසිදින ප්‍රේම නොකරන්නට තමා ගත් තීන්දුව කිසිදා වෙනස් කරන්නේ නැත. 

නැත! එය තමන් ගත් තීන්දුවක් නොවේ. එය සිදුවූයේ කවරදාදැයි කියාවත් තමා දන්නේ නැත. රශිඳු ගෝකුල තරුණියන්ගේ සිහින කුමරා වීමටත් වඩා ඔහුගේ ඒ උණුසුම් ප්‍රේමයේ ඇති නොදැමෙන රළු ගතියට තමා ඇදී ගියාද?

පලමුව ඔහුගේ සරාගී බවට, දෙවනුව වෙනත් තරුණයින් සේ සුදු නෝනා ගාමින් වැලලෙන්නේ නැතිකම, ඔව්! තුන්වනුව ඔහුගේ ඒ පිරිමිකමට!!

ඒ ගැහැනියට තමාට නැති මොනවාද ඇත්තේ මුදල් හැරුනාම? ඉතින් වරදක්ද මාත් එහෙම කෙනෙක් වෙන්න හදන එක? 

ඒ ගෑනි ලස්සනයි. ඒ උනාට වයසයි. රශිඳු රැවටිලාද? 

ඕනෑම තැනකදී ඔවුන් දෙදෙනා එකිනෙකා දෙස පා කරන බැල්ම; නෙත්වලින් කතාකරන හැටි; රශිඳුගේ සුවිශේෂී සිනාව... මේ සියල්ල පවසන්නේ ඔවුන්ගේ ආදරයද? ඊටත් අවුරුදු 20 දී, තමන් දන්නා ඒ දඟකාර කොල්ලා පියෙක් වෙන්නට තීන්දු කිරීමත් අද ඒ කඩමෙන් පසුව එය හදවතින්ම විඳින ආකාරය ?

' ඌ ඔය ඉන්නේ ගෑනිගේ සල්ලි වලට. ඒ කාලේ ඇතිවෙන්න කෙල්ලො එක්ක රූම් ගිහින් දැන් lifetime fortune එකක් සෙට් කරගෙන. ඒ හින්දා ඔයා ඕකට පැනික් වෙන්න එපා. '

' ඌව ඔයා ඔච්චර කරේ තියාගන්න එපා නව්‍යා. ඌ කොහොමත් playboy type. එක තැනක රැඳෙන එවුන් නෙවෙයි. ඔය මගුල මාසයක් තියෙන්නෙ නෑ.. මෙන්න කැට!'

ඒවා සත්‍ය නොවේ. 

ආයාසයෙන් කාර්‍යබහුල වෙමින් අමතක කරන්නට උත්සහ කරන රශිඳු ගෝකුල දකින්නට තමා කුමකට එදින තරඟය බලන්නට ක්‍රීඩාංගණයට ගියාද? සිටියාටත් වඩා කඩවසම්ව සහ ආඩම්බරව සිටි ඔහු ක්‍රීඩාංගණය මධ්‍යයට යන අතරතුරදී අහම්බෙන් දැක නතරවනු ඇතැයි සිතුවේම නැත.

වෙනදා මෙන් ගොරවා එලවා නොගත්තේ පිරිස සිටි නිසා වන්නට විය හැකි නමුදු ඒ කඩවසම් තරුණයා දුටුමතින්ම තමා වැටුනේ මරියානා අගාධයේ පතුලටයි.

" හායි.. කොහොමද වන්‍යා?"

මදකට නතර වී එසේ අසද්දී හදවත ගැහුන වේගය..? 

අහිමිවීමේ කුණාටුව විසින් එතෙක් තනාගෙන සිටි බංකර සියල්ල උදුරා විසිකොට දැමුවේත් , අද මේ පෙලන අසමතුලිත වේදනාව හදවත මැද්දෙන් ඇරඹුනේත් ඒ මොහොතේය.

' රශී බබා.... පොඩ්ඩක්වත් ආදරේ කලේ නැද්ද මේ හිඟන්නිට? '

අප්‍රාණික සිරුර බිත්තියට වාරු කරගනිමින් සිටි ඈ අසළ වූ පැකට්ටුවේ ඇති යමක් පිටතට ගනිද්දී රශිඳු ගෝකුල ඈ දෙස බැලූ බැල්මත් , නිර්මලී නම් ගැහැනිය දෙස බලා පා කරනා සුවිශේෂී බැල්මත් මනසේ ඇඳී මැකී ගිය අතර වම් අතේ මැණික් කටුව අසළ වූ බල නහරය දකුණත ඒ හරහා ගමන් කලේ සැත්කම් බ්ලේඩ් එක තෙරපීමෙන් කපා දමමිනි.

-------------------------------------------

එකවරම දොරටුව විවර වීමෙන් ආ හඬ නිසා කාමරයේ උන් සැවොමගේ ඇස් විතැන්වී ගොස් නතර වන්නේ ඒ වනවිට දොරටුව විවර කරගෙන , සිය හිතුවක්කාර එකම පුත්‍රයා අනුභව කරන්නට මෙන් බලා සිටිනා මාලතී ගෝකුල වෙතටයි. 

ඈට පසුපසින් දොරත් අල්ලාගෙන ' මම නම් නෙවෙයි ඔන්න' ජාතියේ මුහුණක් සහිතව සිටි හිරාන්ගේ මුහුණ දුටු සැනින් රශිඳු සුපුරුදු දඟකාර සිනාව මවා ගත්තේය.

" හායි ස්වීට් හාට් ආත්තම්මේ... "

නමුත් එය හොඳටම ප්‍රමාණවත් නොවූ බව වැටහෙද්දී ප්‍රමාද වැඩිය. මාලතී හීයක වේගයෙන් පැමිණ ඔහුගේ හෝරා තුනක් වයසැති කිරිකැටියා අත දරාගෙන , කොල්ලා කොච්චර තමන් වාගේද යැයි වහසිබස් දොඩමින් ඉන්නා රශිඳුගේ කන තදකොට අල්ලා ගත්තේ කිසිවෙකු නොසිතූ පරිද්දෙනි.

" උඹ හිතුවද මම මැරිලය කියලා ? ආ?? වරෙංකො අද ගෙදර උඹ මට මේ කිසි දෙයක් නොකිව්ව එකට එකට හොඳ පාඩමක් උගන්නනව"

" ඌයි... ඌයි.. අම්මේ අම්මෝ... මගේ කන කන..( අත උන් දරුවා දෙස බලමින්)  මගෙ අම්මේ බලන්ඩ පුතේ උඹලගෙ ආත්තම්මා ගිනි බෝම්බයක්නෙ.. අපි දෙන්නා ෆිට් වෙලා දෙන්ඩෝන ලොකු ගේමක් ඔය චීන පටස් එකට!"

මාලතී අත මිටිකර ඔහුගේ බාහුවකටද පහරක් ගසද්දී පොඩි එකා අඬන්නට මෙන් ඒ මේ අත ඇඹරෙන්නට වූ නිසා සියල්ල අමතක වූවාක් මෙන් ඈ වහා නානකාමරය දෙසට දිව්වා ය. 

රංගගේ මවත්, ඔහුගේ නැඟනියත් හිරාන් දෙස බලා සිනාසුනේ ගිය වේගයෙන්ම සිය දෑත් පිරිසිඳුකොටගෙන පැමිණි මාලතී ගෝකුල සිය පුත්‍රයාගේ අතින් උදුරාගෙන මෙන් අඬන්නට තතනන කිරිකැටියා අතට ගනිමිනි.

" අන්නේ... බුදුසරණයි ඇස්වහක් නෑ අපේ පුතා පොඩිකාලේ වගෙමයි..  "

අනතුරුව ආපසු හැරී සයනයේ වැතිර උන් නිර්මලී අසළින් ඔහු තබා ආදරයෙන් ඇගේ හිස අතගාද්දී වැටුණු කඳුළු නිසා රශිඳු පසුපසින් පැමිණ ඈ වැළඳ ගත්තේය.

" ... දෙවියෝ බලන්න ඕන දුවේ.. මට ගොඩක් සතුටුයි. ( කර වටා යන අත ගසා දමමින්) එපා කිව්වෙ එන්නවත් එපා..  උඹ තමයි මේ දරුවවත් නරක් කරන්නෙ. මට එක බත් කටක් දෙන්න බැරි උනානෙ.. මේ කිසි දෙයක් මම දන්නෙවත් නෑ දුවේ.. මට සමාවෙන්න "

කිරි සොයමින් ඇඹරෙන දරුවා තවත් නිර්මලී වෙත ලංකල මාලතී දෑසේ කඳුළු පිසිමින් නිර්මලීගේ කම්මුල් සෙමෙන් අතගෑවාය. 

" අනේ නෑ අම්මේ.. එහෙම එකක් නෑ.. අම්මට කරදර කරන්න එපා කියලා මමමයි කිව්වේ.. කට්ටිය හිටියනේ.."

අම්මාගේ උරයට සිය නිකට තබාගෙන තමා දෙස උතුරායන ආදරයෙන් බලා සිටිනා ඒ දඟකාරයාට සමාව දෙන්නට ඒ වචන ටිකම ඇතිය. රශිඳු වහා තිරය ඇද සයනය ආවරණය කලේ කුරුලු කට උල් කරමින් කිරි සොයනා දරුවා දෙසට නිර්මලී හැරෙද්දීය. 

" අපේ පුතාම තමයි.. ! "

අනතුරුව ඇගේ නෙත් නළලත නතර වන්නේ එවැනිම තවත් පොට්ටනියක් ඔහෑ ගාමින් ගෙනෙනු දැකීමෙනි.  ප්‍රීතියෙන් ගොළුවී ගිය ඈට මේ වනවිට තිදෙනෙකුට මිත්තණිය කියන්නට සිදුවී ඇතිබව කීමෙන් හුස්ම සිර නොවුනා පුදුමය. 

සිහිය ආ මොහිතේම රශිඳුගේ වමතේ මස් ගොබයට අත මිටිකර පහරක් වැදුනි.

" උඹ.. උඹ නම් එපාම කරපු පුතෙක්.. මේ පැටව් බලාගන්න මට බැරිද? "

මාලතී ගෝකුල අනවසරයෙන්ම නිවසේ පදිංචි වන්නේ ඒ වැකිය සමඟිනි. 

දරුවන් තිදෙනෙකුට සූදානමින් නොසිටියා වුවද, මිතුරන් සියළු දෙනා ඒ මේ අත දුවමින් අවශ්‍ය දේවල් සැපයූවේ නිර්මලී අසළින් රශිඳු සෙලවෙන්නට හෝ අකමැති වූ බැවිනි. පහළ ඇති එකිනෙකට යාබද කාමර දෙක සමඟ අලුතෙන් වැඩ බාරගත් ආත්තම්මාගේ කාමරය පහළ සූදානම් විය. නිවස එකම කාලගෝට්ටියක් වී තිබිණ.

දින කීපයක් නොමේරූ ළදරු ඒකකයේ උන් තරුකි නිසා සතියක ඇවෑමෙන් නව දෙමව්පියෝ නිවසට පැමිණියේ උත්සවශ්‍රීයෙනි. නිවස සරසා ඔවුන් පිලිගන්නට කුඩා සාදයක් සංවිධානය කොට තිබුනේ නේහා සහ ශෂී එක්වය. 

ඒ වනවිට නේහා සිටියේ සිය මිතුරිය උදුරාගන්නට ආ ප්‍රතිවාදියා සමඟ සීතල යුද්ධයක වුවද , රංග සෑම විටම අයිස් බාල්දියක් සමඟ උන් නිසා ඒවා එතරම් දුරදිග ගියේ නැත. 

කුඩා සාදය අවසානයේ වෙහෙස නිසා නින්දට වැටී උන් නිර්මලී අසළ සයනයේ ඇලවූ රශිඳු ඈ මෘදුව වැළඳ ගත්තේ ඈ අසළින් එන කිරි සුවඳට සිනාසෙමිනි.

' මේ තමයි මගේ ජීවිතේ! මගේ හැමදේම !! හිතාගන්න බෑ උඹ ඔහොම යකඩියක් උනේ කොහොමද කියලා. '

.

.

.

අනාගතයේ එකතරා දවසක , වෙනත් රටක නිවසේ විසිත්ත කාමරයේ තවදුරටත්...

සාලයට එබුන සිය මිත්තණිය දෙස ඔරවා බැලූ තරුකි සිය කැරළි කොණ්ඩය ගස්සාගෙන එතැනින් ඉවත්ව යන්නේ දෙවරක්ම සිය පියා තමාගේ නම අමතනු ගානකටවත් නොමැති පරිද්දෙනි. 

" ඒන්ජ... ල්?? ඇහුනෙ නෑ වගේ යන්නෙ?"

මාලතීට සිනාය. මේ පුංචි බෝම්බය පොඩ්ඩ ඇතිනම් පුපුරා හැලෙන්නේ ඒ තම මිත්තණිය කියාවත් නොසලකමිනි. හිරුකගේ දඟකාර හිනාව ජයග්‍රාහී වන්නේ පිත්තෙන් වැදුනු පාර තරමක් රිදුනු නිසාය. 

" ... ඇයි අය්යට බැට් එකෙන් ගැහුවෙ? අනික මම කී පාරක් කියලා තියෙනවද අප්පච්චිගෙ ක්‍රිකට් බඩු අල්ලන්න එපා කියලා ? ආ? මොකද හිනාවෙන්නෙ"

" මම ගැහුවෙ අප්පච්චිගෙ බැත්( bat) එකෙන් නෙවෙයි ! "

" එහෙනං?"

" එදා ගෙනත් තිබ්බ බේත් බෝල් බැත්(base ball bat) එකෙන්"

රශිඳුට හුස්ම ගන්නට අමතක වු අතර මාලතීගේ හුස්ම නතර වී දෑතම පපුවේ රැඳුනි.

" මොකක්?? ලොකූ... ඇත්තද මේ කියන්නෙ? කොහෙටද ගැහුවෙ? කෝ??"

ඉතිහාසය දන්නා නිසා රශිඳු වහා හිරුක අසලට යද්දී වැඩේ වැරදී ඇති බව වැටහුනු නිසාදෝ තරුකිගේ මුහුණ බෙරිවී අඬන්නට සූදානම්ව පැවතුනි. 

" අන්නේ පච්චී මම් ප්ලාස්ටර් ඩාලා ඇලෙව්වා... "

එතෙක් දමාගෙන සිටි තොප්පිය වහා හිරුකගේ හිසින් ඉවත්කල සැනින් රශිඳුට දවල් තරු පෙනුණි. කොල්ලාගේ හිස පැත්තකින් ගෙඩිගැසී තිබුනු අතර ඒ මත ඇලවූ ඩෙටෝල් ප්ලාස්ටර් එකකි. 

කොල්ලන් දෙදෙනා විසින් ඇරඹූ avengers සෙල්ලම වඩා පුළුල්කර ගන්නට සිය සොයුරිය ගත් මොහොතේම 'තෝර්' ලෙස එල්ලකල මිටි පහරට පිලිතුරක් වශයෙන් සිය පියා ගෙනා අලුත්ම බේස්බෝල් පිත්තෙන් පිලිතුරක් ලබාදුන් තරුකි ඊට පැලැස්තරයක් අලවා හෙමින්ම මාරු වී ඇති බව වටහාගත් රශිඳු ඒ වනවිට කෝප නොගන්නට පුහුණු වී සිටි නිසා වහාම අවශ්‍ය ප්‍රථමාධාර ලබා දුන්නේ සිය මවට ඇති වන්නට දෙහි කපමිනි. 

" පොඩ්ඩක් බලන්න එපාද? මහ ලොකුවට ආවෙ නම් බලාගන්න බෑද කියලා ටෝක්ස් දීලා.. "

අනතුරුව පේලියට සිටගෙන සිටිනා මේ දඟකාරයින්ට හොඳ හැටි ඔරවන්නට විය.

" අම්මි ඕනේ...."

තිදෙනාම හොරණෑ තුනක් මෙන් බෙරිහන් දී හඬන්නට වූයේ රශිඳු අන්ත අසරණ කරමිනි.

' මාවයි මේ පැටවුනුයි දාලා උඹ දැන් ඔහොම ඉන්නෙ කොහොමද කියපං baby girl??'

-------------------------------------------

තවදුරටත් වර්තමානයේ....

සිවිලිම දෙස බලාගෙන කිසිදු ප්‍රතිචාරයක් නොදන්වා සිටිනා සිය ප්‍රාණ සම එක කුස උපන් සොයුරිය දෙස හඬමින් බලා උන් නව්‍යාගේ හිස තමාගේ ඉනට වාරු කරගත් ඩිලෝන් ඇගේ හිස සෙමෙන් අතගෑවේය.

සැත්කම් පිහියකින් අත කපාගෙන සියදිවි නසාගන්නට තැත්කලා වුවද වාසනාවට එදින ඇගේ මව සිටි නිසා ඉක්මනින් ‍රෝහල්ගත කරන්නට හැකි වීමෙන් ජීවිතය ගලවාගන්නට හැකිවී තිබිණ. 

මේ මොහොතේ ඈට අවශ්‍ය විවේකය සලසා දෙමින් , සුසුම් සලමින් උන් නව්‍යා වත්තන් කරගෙන වාට්ටුවෙන් පිටතට ඇවිද ආ ඩිලෝන් ඈ අත කිරි පැකට්ටුවක් තැබුවේ හිස අතගාමිනි.

" දැන්වත් මගෙන් ගුටිනොකා ඕක බොන්න.. "

මේ තරවටුව පවා ඈට දැනෙන්නේ මහත් බරටය. ආරංචිය ලද සැනින් කම්පනයෙන් සිහි විකල්වී උන් සිය පෙම්වතිය සමඟ කොළඹින් පිටත් වූ මොහිතේ පටන් සිදුවූ දේවල් නිසා, ඈ සිය නැගණියට ඇති ආදරය ගැන අලුතින් කියන්නට අවශ්‍ය නොවීය. 

' උඹ හරි පව් කෙල්ල!'

ඒ වනවිට නව්‍යාගේ පියා ඔවුන්ව හැරදා වෙනත් ගැහැණියක හා ජීවත් වීම පටන්ගෙන තිබිණ. හරිහැටි පියෙකුගේ රැකරවණයක් නොලද ගැහැණු දරුවන් දෙදෙනෙකු හා ඔට්ටුවන ඒ මව දැකීමෙන් ඔහුගේ සිත කවදාවත් නැති තරමට නව්‍යා කෙරෙහි බැඳී ගියේය. 

පාඩිකුඩා හෝටලය වෙනත් සමාගමකට පවරද්දී ඔහුත් තව සේවකයින් කීප දෙනෙකුත් එයින් ඉල්ලා අස් වූ නිසා නිර්මලී ගමනායක ඔවුන්ට බලෙන් මෙන් ලබාදුන් මුදල ආයෝජනය කොට ඔවුන් තිදෙනා ඇරඹූ හෝටල් පාසල මේ වනවිට සෙමෙන් හිස ඔසවමිනි. දරුවන් හතරක තුන්වැන්නා වූ නිසා පවුලේ බරක් නොමැති තරමකි. එබැවින් තීන්දුවක් ගතයුතු බව ඩිලෝන් හදිසියේම සිතුවේය.

".. සත්‍යා..."

නව්‍යා හිස ඔසවා බැලුවේ කිරි පැකට්ටුවෙන් එන කිරි බටයෙන් උරා බොන අතරය. මුහුණේ ප්‍රශ්නාර්ථයකි.

".. ඔයා දන්නවනෙ අපි කැතලික් කියලා.  "

" ඔව්"

" අපි යන ගමන් පොඩ්ඩක් පල්ලියට යමුද? "

එය සිතට සහනයකි. නමුත් ඈට සිය නැගණිය දමා අදම කොළඹ යන්නට සිතක් නැත.

" නං..ගි.."

" අපි නංගිවත් එක්කගෙන යමු.. හොටෙල් ස්කූල් එකට ගත්ත ගේ පරණ රෙසිඩන්ස් එකක්. ඒකෙ ඇනෙක්ස් එකේ මම ඉන්නෙ. කාමර දෙකක් එක්ක තියෙන ගෙයක්.. අම්මයි ඔයයි නංගියි move in වෙමු එහෙට. මම ඉන්නවනෙ බලාගන්න.. "

නව්‍යා දෑස් පියන් වේගයෙන් සැලුවේ කියූ වචනවල තේරුම මොළයට ගන්නට මෙනි. 

" එහෙම ඉන්න ඉඩ?"

" ඉඩ තියෙන්නෙ කාමර දෙකක්.. අම්මයි නංගියි එකක.. අපි දෙන්නා එකක.."

නව්‍යාගේ දෙතොල් සැලුනි.

".. අපි මැරි කරමු. "

නව්‍යාගේ දෙනෙත් විසල් විය. මේක අදහන්න හැකිද? 

" අනේ ඩිලෝන්.."

" දැන් මේ නෝනා මට බෑ කියන්නද හදන්නෙ? "

ඉස්මොල්ලේ යන්නට ගිය කිරි පැකට්ටුව සිය අතට ගත් ඩිලෝන් නව්‍යාගේ දෙඋර මත දෑත් තබා කෙලින්ම මුහුණට එබුනේය.

".... මෙයාගෙ මැඩම් වගේ ලොකු වෙඩින් එකක් ගන්න නම් බෑ. අපි පල්ලියේ බඳිමු. අම්පිටිය පල්ලියේ ෆාදර් මගේ මාමා කෙනෙක්. එයාට මම අද කතා කරන්නම්.. ඔය නෝනා දැන් වෙව්ලන්නේ මොකද කියනවද?"

" අනේ  ඩිලෝන්.."

" බෑ කියලා කිව්වොත් වන්‍යා වගේ අත කපාගන්න බෑ. බ්ලඩ් දැක්කම මට කලන්තේ හැදෙනවා"

නව්‍යාට සිනාවක් නැඟිනි. නමුත් මෙතරම් ඉක්මනින් ??

" ම..ම.. "

" මට ඔයාව බලාගන්න පුලුවන්. ලොකුවට සැප නොදුන්නට ඔයා මාව දාලා යන්නෙ නෑ කියලත් දන්නව. මට ඔය තුන්දෙනාව බලාගන්න ඕන. අපේ අම්මලා ඔයා ගැන දන්නවනෙ කොහොමත්. ඒවා ඔක්කොම මම බලාගන්නම්. මැරි කරන්නෙ නැතුව ගෙදර ගෙනියන්න මම කැමති නෑ. හ්ම්ම්... මොකද කියන්නෙ? හ්ම්ම්ම්?"

නව්‍යා ඉබේටම ඒ පපුවට බරවී බරැති සුසුමක් සැළුවේය. මෙතරම් අඩු වසයකදී විවාහයකට යන්නට නොපැතුවද ඩිලෝන්ගෙන් ලැබෙන රැකවරණයට අලඟු තබන්නට වෙනත් දෙයක් නොමැත.

"... නෝනා.. එදා වගේ දුරදිග යන්න කලින් උත්තර දෙන්න. මේක මේ හදිසි අනතුරු වාට්ටුවක්.  මාව ඇඩ්මිට් කරයි!"

නව්‍යාට නැඟුන සිනාව සමඟ ඈ මිටිකල දෑතින් ඔහුගේ පපුවට පහරක් ගසා මෑතට වූවාය.

" මගේ පවුල ඔයා බරක් කරගෙන ඕන නෑ ඩිලෝන්"

" හරි ඉතින් එහෙම නැතිනම් ඒත් යමු. හැබැයි කාමර මාරුවෙන වගේ වැඩ ආයෙත් වෙයි. පස්සෙ ඒවා මේව කියන්න එහෙම එපා"

එයට නැවතත් සිනාව අලුත් විය. 

" හරි නරකයි.. "

පාසිකුඩා හෝටලයේදී පැවති උත්සවයේදී සිදුවූ අකරතැබ්බය සිහිවී දෙදෙනාම එක්ව සිනාසුනහ. 

එදින උත්සවයේ වූ අධික කාර්‍යබහුල බව නිසා හෝටල් කළමනාකරුගේ බැල්මට හසුවී සිටි නව්‍යා එතරම් එය තැකුවේ නැත. ඊටත් ඒ වනවිට සිත හිරාන්ගේ ප්‍රතිචාරය සහ වන්‍යාගේ කරදර සමඟ තිබුනේ වෙනම ලතැවීමක් සමඟය. 

දවස පුරාම ඇඟලාගෙන උන් සාරිය එපාම වී සිටි නිසා එය තරමක් මාරු කරගන්නට ඈ ශාලාව අසළ සංවෘත කාමරයට වැදුනේ කලබලයෙනි. 

බිමට වැටුනු ලිපිගොනු ගන්නට මේසය තුලට රිංගා සිටි ඩිලෝන් පිටතට එන විට දකින්නේ දවස පුරා තමන් ඇස දමාගෙන සිටි ඒ කෙට්ටු පොඩි තරුණිය සිය කාමරයේ ඔහුට පිටුපා සිය ඇඟලුම් ඉවත් කරනා අයුරුය. ඒ මදිවාට ඇරදමා තිබුණු දොරද වසා දමාය.

' ඒ වගේ චාන්ස් එකක් මිස් කරගන්න තරම් කොල්ලෙක් මෝඩ වෙයිද ඉතින්'

ඩිලෝන් ඒ ගැන කියමින් ඈට සරදම් කලේ පසුව දිනෙකයි. 

තත්වය දරුණු බව වැටහුනේ ඈ යට සායටද අත තබන විටයි. තරුණියකගේ නිරුවත ඩිලෝන්ට අමුත්තක් නොවුනාට ඈ ඔහුට විශේෂයෙන් දැනෙනා නිසාත් ඇත්තටම ඒ මොහොතේ දොර මතට ආ තට්ටුව නිසාත් හොඳම කොටස මිස් විය.

" ෂ්.. ෂ්.."

ඒ මොහොතේ කරන්නට තිබුනු හොඳම දෙය එය නිසා ඔහු දොරට වැටුන තට්ටුව හේතුවෙන් උඩ ගිය තරුණිය තමාගේ දැක්මෙන් බෙරිහන් නොදීමට මුව වසා බිත්තියට තදකොට ගත්තේ ඈ එතරම් කුඩා සිරුරක් තිබුනු නිසාය.

අනතුරුව ඇගේ පින්තූර ගත් බව කියා බොරුවට බියකොට බලෙන් ඇගෙන් දුරකතන අංකය ගත් හැටි සිහිවී ඔහුට නැවත සිනාවක් නැඟුනි. ඈ ආපසු කොළඹට එනතුරුම නොනවත්වා කෙටි පණිවිඩ යවමින් ඇති තරම් ඈ බයිට් කලේ ඈ අහිංසක බව දන්නා නිසාමය.

එදින සිද්ධියෙන් පසුව තමාගේ සිත දෙස තමාම බැලුවා නොවේදැයි නව්‍යා යලි සිහි කැඳවූවාය. 

එතරම් දෙයක් වෙලත් ඩිලෝන් මහත්මයෙකු සේ හැසිරීම ඈ අගය කළේය. 

" ආදරේ කියන්නේ සමහර වෙලාවට first sight වෙන්න පුලුවන්. අපිට උරුම කෙනා දෙවියන් වහන්සේ අපේ ඉස්සරහට එවනකොට පණිවිඩයක් එක්ක එවන්නේ. අපි ඒ පණිවිඩය හරියට තේරුම් ගන්න ඕන. මට ඔයාව දැක්කම ඒ පණිවිඩය තේරුනා සත්‍යා.. "

නව්‍යාට එකවරම සිහිවූයේ නිර්මලී - රශිඳු ගැන තුශාරා පැවසූ වචනයි.

' ඒක සංසාර ආදරයක් නව්‍යා... ඔයා විස්වාස නොකලත්'

" ... හරි.. අපි බඳිමු එහෙනම්.."

නව්‍යා මුව උල්කොට පැවසූ සැනින් ඩිලෝන් ඈ සිය ලයට තදකොට ගත්තේ සුසුමක් සලමිනි.

-------------------------------------

තිරය මත ධාවනය වීඩියෝව වෙත නෙත රඳවාගෙන උන් අසලංකගේ මුහුණ මදින් මද වෙනස් වන්නට විය. ඔහු වරෙක එය නතරකොට ඒ දෙස දැවෙන දෑසින් බලා සිටියේය. අනතුරුව එය නැවත ධාවනය වන්නට ඉඩ හැර ශබ්දය වැඩි කොට බැලුවේය.

විනාඩි හතලිස් දෙකක් දිගු වීඩියෝව අවසානයේ ඔහුගේ මුහුණේ මස්පිඬු නලියන්නට වූයේ වේදනාව නිසාමය.

' @ල්ලා උඹ! ඒ කෙල්ලව රැවැට්ටුවා. උඹගෙ වෙස්මූණ ගලවන්න තරම් මට වෙලාවක් නැති උනා ඒකි උඹ මත්තෙම හිටපු නිසා. අපායට පලයං &රියා!'

හති හලමින් උන් අසලංක දුරකතනය ඇඳ මතට විසිකොට දමා දෝතින්ම සිය හිස බදාගෙන මදක් නිසොල්මනේ සිටියේය. 

වීඩියෝව එතෙක් සුරැකිව තිබූ තැනින් ගන්නට මෙතෙක් අවැසි නොවුනේ එයින් නිර්මලී කඩා වැටෙන තරම දන්නා නිසා පමණක් නොවේ. ඒ තුරුම්පුව මෙලෙස තමාට එරෙහිව ඒ යයි නොසිතූ නිසාය. 

ඉතිහාසය නැවත සිදුවෙමිනි. ආරංචිය සත්‍ය බවට කැට තබන්නට අවශ්‍ය නැත. 

පැමිණි අලුත් වීඩියෝව දෙස බලාසිටි අසලංක ගිනි පිටවෙන දෑසින් එම වීඩියෝවේ ධාවනය වන එකොලොස්වන විනාඩිය මත නවතා ගත්තේය. 

ඒ මුහුණ ! ඒ පෙනුම!! එතරම් වෛර කරන වෙනත් මුහුණක් නොමැති තරමකි. 

නිර්මලීගේ හිත සොරාගන්නට තරම්ම ඔහු කඩවසම් බව සැබෑය. නමුත් ඈට චපල වන්නට ඒ තිරිසනාට ඇත්තේ කුමන හැකියාවක්ද? පෙර දිනයකදී තමාට තර්ජනය කොට , ගුටිත් ඇන ගියේ මෙලෙස රහසේ ඈට චපල වන්නද?

'වීදුරු ගෙවල්වල ඉඳලා ගල් ගහන &රියා!'


මේ අතර.......

ක්‍රීඩා සංගමයේ විශේෂ හමුවීම් පවත්වන කාර්‍යාල පරිශ්‍රයේ රැස්වීම් ශාලාව අසළ වූ පුටුවේ හිඳගෙන සිටිනා රශිඳු ගෝකුල , ඈතින් ඇවිද එන දිමුත්ගේ දැක්මෙන්ම මදක් හිත සනසාගෙන නැඟී සිටියේ ආතතියෙනි.

ඒ වන විටත් ඔහු හඳුනන කිහිප දෙනෙක්ම සාඩම්බර නව පියාට සුභපැතුම් එක්කරමින් අතට අත දෙමින් ඔහු පසුකර ගියද, මෙතැනට එන්නට හේතුව දැන සිටියේ නැත.

ඔවුන් තබා රශිඳු ගෝකුල පවා දැන සිටියේ නැත!

"මචං මොකෝ වෙන්නෙ?"

දිමුත්ගේ මුනිවත තේරුම්ගත නොහැකිව රශිඳු ඇසුවේ ඔහුගේ මුහුණේ ඇඳී ඇති ආතතියට හේතුව නිර්නය කරගත නොහැකිව ය. 

දිමුත් රශිඳුගේ මුහුණ දෙස එක එල්ලේ බලා සිටියදී ඔහුගේ මේ කියනා දෙයට සම්බන්දයක් ඇති දිනයේ දෙබසක් එකවරම සිහියට නැඟෙන්නේ නිරායාසයෙනි.

' මට එහෙම බෑ බං. නින්ද ‍යන්නෙත් නෑ'

තමන් එයට කටකාර යමක් කීවා මතකය. අනතුරුව දින කීපයක් ඇසට නුහුරු දසුනක් දුටු මුත් කීයටවත් ඔහු රශිඳු සැක කලේ නැත. ඔහුගේ හඬ දත්මිටිකෑමක් සේ එකවරම දමා ගැසුනේ ඒ සමඟිනි.

" decepline action එකක්. තෝ මොකටද අර තෙරපිස්ට් ගෙ රූම් එකට ගියේ?"

ඒ වැකියත් සමඟම මතුවූ රශිඳුගේ මුහුණේ හැඟීම දිමුත්ට අවශ්‍ය පිලිතුර ලබා දුන්නේය.

-------------------------- මතු සම්බන්ධයි -----------------

Sunday, July 24, 2022

344: උන්මාද චිත්‍රාදෝ මා 76



බොඳවූ දෑස් අතරින් නිර්මලී සිය දම්පාට සහ සුදුපාට මිශ්‍ර චාම් ගවුමින් සැරසී සිනාසී ඇවිද එන්නාක් මෙන් පෙනුන නිසා, අසලංක සිය තෙත් දෑස් මදකට ඉවතට හරවා ගත්තේය.

මෙය නම් මහත් වේදනාවකි. තවදුරටත් මේ වේදනාව දැරිය හැකි නොවේ. 

අද දින ලබාදුන් නඩු තීන්දුවට අනුව ඔහු දැන් නිදහස් මිනිසෙකි. අසේකා සහ තමා දැන් නීතියෙන් වෙන්වී හමාරය. කොලයක ලියා අත්සන්කල බැඳීමකට වඩා හදවතින් අල්ලාගත් බැඳීමක් කිසි විටෙක ගිලිහී නොයයි. 

' ලොකූ... ඔය ගෑනි ගැන හිත හිත මුළු ජීවිතේම විනාස කරගන්න එපා. ඔයාට ඒ වගේ විඩෝ කෙනෙක්ට වඩා ලස්සන චූටි ගර්ල් කෙනෙක් මැරි කරන්න පුලුවන්. 

අසේකා අපි හිතුවට වඩා කපටි අම්මණ්ඩියෙක්.. ඔයා වගේ ගුඩ් ලුකිං මැචුවර් පිරිමින්ට ගොඩක් ගර්ල්ස්ලා කැමතියි'

නඩුවේ තීන්දුව දැනගන්නට තමා ඇමතූ සොයුරිය ; නිම්සාරා ; සුපුරුදු තැටිය වාදනය කරන්නට වීම පුදුමයක් නොවන මුත් මොවුන්ගේ මේ විකාර කල්පනා අසලංක තුල ඇති කරන්නේ කෝපයකි.

Friday, July 22, 2022

346: නිවේදන කීපයක්

 

පුංචි නිවේදන කීපයක් දෙන්න තමයි මේ කුඩා සටහන තබන්නෙ.

1. උන්මාද චිත්‍රාදෝ මා - කතාව නවල් එකක් විදියට මුද්‍රිත මාධ්‍යයෙන් එළියට ගන්න අදහසක් තියෙන නිසා, බ්ලොග් එකෙන් 1-60 දක්වා කොටස් ඉවත් කරනවා.

2. රතුපාට මල් - කතාව වෙනත් මාධ්‍යක පල කරන්න හිතන නිසා දැනට පලවී ඇති සියල්ලම අවකාශයෙන් ඉවත් කරනවා.


ප.ලි : උන්මාද චිත්‍රාදෝ මා නවකතාව අවශ්‍ය නම් මිලට ගන්න ඕනෙ නම් සටහනක් තියන්න. ඔබේ කොපිය අරන් තියන්නම් 

ප.ප.ලි : රතුපාට මල් පලවෙන්නේ storyflix කියලා Android app එකක. දැන්ම නෙවෙයි තව ටික කාලෙකින්. තව විස්තර ඕනේ අය කියන්න.


ස්තූතියි 

- ලිඛිතා 

Tuesday, July 19, 2022

343: උන්මාද චිත්‍රාදෝ මා 75



හිරාන් මුවට ගත් බත් පිඬ නවතා මදක් කල්පනා කල බව මාලතී ගෝකුලගේ නෙතට හසුවිය.

".. නෑ මම කිව්වෙ.. මොකුත් අසනීපයක්ද මන්ද"

හිරාන්ට නැඟුනු සිනාව ඔහු වසාගෙන බත් පිඬ මුවේ ලා ගත්තේ මේ මව එන්නේ කුමකටද කියා දන්නා බැවිනි. ලේලිට ආදරේ නැතුවත් නෙවෙයි. ඒත් ලොකුකම නම් තියෙනවා. ඉන්නකො කරන්න හොඳ වැඩක්! 

වෙඩින් එක දවසෙත් අපිව වාත කරලා බලනකොට එයා එතන.. මේ පාර නම් මම මේ ලොකුකම ඇරලා තමයි පස්ස බලන්නේ.

" නෑ එහෙම ලෙඩක් නෑහ්.. කම්මැලී හිතෙන්න ඇති"

මාලතීගේ මුහුණ බලා සිටියදී පුංචි වී ගිය මුත් ඈ වීදුරුවට වතුර පුරවා හිරාන් දෙසට තල්ලු කලේ එය සඟවා ගන්නට උත්සහ කරමිනි.

"ඒ දරුව එහෙම කම්මැලී නෑ.. අපේ එකාගෙ අපිලිවෙල මම දන්නවනෙ. ගෙවල් අස්පස් කරන්න පුලුවන්ද ලොකු කොම්පැනි කරන ගමන්. කොල්ලට මැච් එක හින්දා මම කොහොමත් කියල තිබ්බෙ මේ සතියෙ කෑම එපා කියලා... කෝල් කලාමත් මමමයි එපා කිව්වෙ"

Sunday, July 17, 2022

342: උන්මාද චිත්‍රාදෝ මා 74



සටහන : මේ කොටසේ  සහ ඉදිරි කොටස් කිහිපයකම දින වකවානු ඒ මේ අත යන බැවින් ඒ ගැන සැලකිල්ලෙන් කියවන මෙන් ඉල්ලා සිටිමි.


පුහුණුවීම් අතරතුර ලද නිමේශයේම නිර්මලී ඇමතූ රශිඳුගේ කතාබහ නිමවූයේ මුහුණ පුරා ඇඳුනු සිනාවකින් මුත්, දුරකතනය නිවා දැමූ සැනින් බැරෑරුම් බවකින් හදවත කීරිගැහී ගියේය.

 වෛද්‍යවරොයගේ දෙහි කැපීම පසෙක තැබුවත් නිර්මලී ගැන ඔහුගේ සිතේ ඇති බිය එලෙසමය. ඈ සාමාන්‍යයෙන් හිතුවක්කාර චරිතයක් නොවන මුත් මේ කල හිතුවක්කාරකමට ගුටි දෙන්නට සිතුනත් සිත ඉපිලෙයි!

අපේ දරුවා අපිව හොයාගෙන ආයෙත් ඇවිත්?

340: උන්මාද චිත්‍රාදෝ මා 72



" තමුසෙ හිතුවද මට පිස්සු කියල?"
අසලංක සෝපහාස බැලුමෙන් තමා ඉදිරියේ රුදුරු ලෙස ඔරවාගෙන සිටි අසේකා දෙස බලා කට කොනට සිනාවක් නඟා ගත්තේ සිය ඉහවහා යන කෝපය තවදුරටත් පාලනය කරගන්නට නොහැකිව ඈ ඒ මේ අත බලද්දීය.
" තමුසේ... තමුසෙ මහ තිරිසනෙක්!"
ඈට තමා ගැනම දැනුනු ආත්මානුකම්පාවෙන් දෑසම බොඳව යද්දී අසලංක ඈව ඊට අවුරුදු ගණනාවකට පෙර අතීතයකට රැගෙන යයි.
" අසේකා... මේක කොහොමද ඔයාට suprise එකක් වෙන්නෙ? ආ?? තමුන් කැමැත්තෙන් නේද මාව මැරි කලේ? මැරි කරන්න කලින් මම පැහැදිලිව කිව්වා මගේ තීරණේ..  දැන් මැරිලා ඉපදිලා වගේ මොකද මේ?"

ඒ ස්වරයේ ඇති සන්සුන් ස්වභාවයම අසේකාගේ හිස අවුල්කොට තිබේ. ඔහු කියන්නේ සත්‍යයක් බව ඈ දනී. 

"... අසේකා මේ! තමුන් තමයි ඒකට කැමති උනෙත්.. ඊටත් පස්සේ දරුවෙක් ඕන නිසා තමුන්මයි අනික් හැමදේටම කැමති උනේ. දරුවට මාස දෙකක් වෙනකොට මේ ඔක්කොම දමල ගහලා boyfriend එක්ක පැනල ගියෙත් තමුන්මයි. ( සෝපහාස ලෙස සිනාසෙමින්) ඊට පස්සෙ මැරිලා ඉපදිලා වගේ ඇවිත් මගේ අම්මලා රවට්ටගෙන නටපු සේරමත් මම ඉවසුවා."

Saturday, July 16, 2022

341: උන්මාද චිත්‍රාදෝ මා 73




සටහන : මේ කොටසේ  සහ ඉදිරි කොටස් කිහිපයකම දින වකවානු ඒ මේ අත යන බැවින් ඒ ගැන සැලකිල්ලෙන් කියවන මෙන් ඉල්ලා සිටිමි.

එකවරම විවර වූ මුව එලෙසින්ම තබාගෙන රශිඳු ඇතිවූ කම්පනය දරන්නට මෙන් නිර්මලී දෙස බැලුවේ ය. සියල්ලෝම වෙනත් ග්‍රහලෝකයකින් පැමිණ ඇති ලෙසකින් ඇඳ පැළඳ සිටින්නේ ආරක්ෂාව පතාය.

" ඇන්ටිජෙන් එක පොසිටිව් සර්.. "
" දෙන්නගෙම?"
" නෑ.. ස.. සර්ගෙ විතරයි"
රශිඳුගේ මැර බැල්මට හසුවූ සේවකයාට වචන පැටලුනු සැනින් වෙනත් අයෙකු මැදින් පැන්නේය. 
" නෑ නෑ දෙන්නටම පොසිටිව්.. සර්.. මාස්ක් එක දාගන්න.. මේ ඇතුලේ තියෙන කාමරේට යන්න කරුණාකරලා..  පොසිටිව් අයව අපි ඉක්මනින් මෙතැනින් ඉවත් කරන්න කියලා උපදෙස් ලැබිලා තියෙන්නේ.."

දෙවනි සේවකයා එසේ පැවසුවේ දොර අසළ අවහිර කරමින් වෙනත් කාටවත් එන්නට ඉඩ නොදෙමිනි. කොවිඩ් වැළඳී ඇතිනම් කුටිය යලි ජීවානුහරණය කල යුතුය. 
මුඛවාඩම යලි දමාගත් රශිඳු ගල්ගැසී සිටියේ වාවාගත නොහැකි ලෙසිනි.
" ඉතින් අපිට කිසිම රෝගලක්ෂණයක් නෑනෙ! කොහොමද පොසිටිව් කියන්නෙ??"
නිර්මලී එසේ ඇසුවේ රශිඳු අඩපණ වී ඇති බව හොඳින් නිරීක්ෂණය කරමිනි. ඈ රශිඳුගේ අත වැරෙන් අල්ලා ගත්තේ ඔහුගේ කඩාවැටීම තේරුම් ගනිමිනි.
" අපිත් එක්ක තර්ක කරලා වැඩක් නෑ මහත්මිය. ඊළඟට කරන්න ඕනෙ දේවල්, නිරෝධායනය ගැන ඔක්කොම අපි සැලසුම් කරලා තියෙන්නේ.. කරුණාකරලා අපිට අපේ රාජකාරිය කරන්න දීලා අර කාමරයට යන්න.."
රශිඳුට එය ඇසුනේ සිහිනයෙන් මෙනි.

සියල්ල හමාරය! තමන් හා නිර්මලී වසංගතයේ ගොදුරක් වී ඇත. එහෙම කොහොමද උනේ? 

තමන්ට කොවිඩ් වැළඳී ඇතිනම් IPL සිහිනය මෙතැනින් අහවරය. තමන් මහා ප්‍රපාතයකට වැටෙනවා සේ දැනෙද්දී ඔවුන් සිටි කුටියේ පුටුවකට බරවී රශිඳු කතාවක් නොමැතිවම දෑතම හිස මතට බරකොට දෑස පියා ගත්තේය.

" ඔක්කොම ඉවරයි baby girl.. ( ගැඹුරු හුස්මක් අල්ලමින්) අපි ආපහු යමු. මට බය ඔයා ගැන. බේත් බොන ගමන්.."
නිර්මලී ඔහුගේ නළලත සිප ගත්තේ ආදරයෙනි.

" ෂ්.. ෂ්.. රශී..  මේ අහන්න... බයවෙන්න එපා.. මට කිසි ප්‍රශ්නයක් නෑ. බේත් පස්සෙ බොමු.. මුකුත්ම වෙන්නෙ නෑ මම ඉන්නවා ඔයාට"
රශිඳු වඩාත් බිය වූයේ ඒ වනවිට නිර්මලීට කොවිඩ් වැළඳීම ඈ දුර්වල කරනු ඇතැයි සිතුනු නිසාය.
"හොඳම හොස්පිට්ල් එකට යන්න ඕන ඔයා.. හරිද? පිස්සු නම් කෙලින්න එපා මම ටීම් එකේ උන් එක්ක නම් ඉන්නෙ නෑ"

නිර්මලීටද දැනුනේ පීඩනයකි. කොවිඩ් වැළඳීමෙන් රශිඳු දුර්වල වෙයිද? පොඩ්ඩක් ඉන්න.. මොනාද අර ටෙස්ට් කරපු එක්කෙනා කිව්වෙ?

'මට සැකයි.. එක්කෙනෙක් කිව්වා ඔයා විතරයි පොසිටිව් කියලා, පස්සෙ දෙන්නම කිව්වම අනිත් එක්කෙනා මාරු උනා.. ඉන්න මම දන්නව මොකක්ද කරන්න ඕනේ කියලා '

නිර්මලී වහා වෙව්ලන අතින් දුරකතනය ගත්තේ ඔහුගෙන් මදක් මෑතට වෙමිනි.
" මොකක්??? ඒ මොන කතාවක්ද ඒ? "
පුවත ඇසූ සැනින් දිමුත්ගේ හඬ උස්ව නැඟුන බැවින් නිර්මලී කුටියේ ඈතටම ගියේ රශිඳු සිටි මානසික කඩාවැටීම ගැන සැලකිලිමත් වූ නිසාය.

".. එහෙම වෙන්න බෑනෙ නිර්! ඔයාලා අපිත් එක්කමනේ හිටියේ. මට නෙගටිව්! අනිත් උනුත් නෙගටිව්! ඔයාල දෙන්න විතරක් පොසිටිව් වෙන්න බෑනෙ. මම ඒත් බැලුවා මොකද ඔයාලා පරක්කු කියලා "

අනතුරුව නිර්මලීට ඔවුන් රෝහලට ගිය බව කියන්නට සිදුවූයේ ඔවුන් වෙනත් ගමනක් නොගිය බවට ඔහු පිලිනොගන්නා තැනය.

" හ්ම්ම්ම්.. ඒත් නිර්. ගිහින් දවස් තුනක් වෙනවනෙ. ඒ හොස්පිට්ල් එකේ කිසිම කෙනෙක් පොසිටිව් නෑ. එහෙනම් එහෙට කියන්න වෙයි. ඇහුවද කොහෙද ගියේ කියලා ?"

" නෑ.. කිසි දෙයක් ඇහුවේ නෑ. සෙපරේට් රූම් එකක ඉන්නේ.. එයාලත් එක්ක කතාකරන්න බෑ."
අනතුරුව විනාඩි කිහිපයක සංවාදය අවසාන කල නිර්මලී රශිඳු අසලට පැමිණ ඔහුගේ උරයට බරවී , නිකටෙන් අල්ලා ඔහුගේ මුහුණ තමා වෙත හරවා ගත්තාය.
" රශී... "

කුඩා දරුවකු සනසන්නා සේ නිර්මලී ඔහුට සිය ලය තුල මුහුණ හොවාගන්නට ඉඩහැරියාය.
ඔවුන් එලෙස එකිනෙකාට තුරුළුව සිටියේ පීඩනය දරාගන්නට මෙනි. 
' IPL සුපිරි ක්‍රීඩක රශිඳු ගෝකුල සහ බිරිඳ කොවිඩ් පොසිටිව්. තරඟාවලිය අහිමිවන ළකුණු'

මේ පුවත ඒ වනවිටත් ලැව් ගින්නක් සේ සමාජ මාධ්‍ය ජාලාවල පැතිරී ඇති බවක් ඔවුන් නොදුටු අතර නොදන්නා අංක වලින් ඇමතුම් කීපයක් ආවද දෙදෙනාම ඊට පිලිතුරු නොදී උන්හ.

පැයකට පමණ පසු ඔවුන්ගේ කාමරය අසළින් ඇසුනේ IPL කණ්ඩායමේ නිල ප්‍රධාන වෛද්‍යවරයාගේ හඬයි. ඔහු සහ එතැන සිටි කිහිප දෙනෙක් උස් හඬින් වාග් ප්‍රහාරක නිරතවනු ඇසුනු නිසා නිර්මලී වහා ඒ දෙසට ඇවිද යද්දී තරමක කලබලයක් සේ දැනුන නිසා රශිඳුද ඉඳගෙන සිටි ආසනයෙන් නැගිට ආවේ සැනෙනි.

වෛද්‍යවරයාගේ හඬ උස්ව නැඟී ආවේ නොසරුප් වදන් වලින් දෙදෙරා යමිනි. තත්පරයක් පමණ සියල්ල මීයට පිම්බා සේ නිශ්ශබ්දව ගිය අතර තවත් තත්පර දෙකකට පසුව දොරෙන් ඇතුලට පැමිණියේ දිමුත් ය.

" බල්ලො! ( හුස්මක් අල්ලමින්)  වරෙං මචං යන්න.. බස් එක උඹල එනකල් නතර කරගෙන"

නිර්මලී විශ්මයෙන් මෙන් දිමුත් දෙස බැලුවේ මේ කතාවේ පෙර අපර ගලපන්නට මෙනි.

ඔවුන් එනතුරු සිටි සුඛෝපභෝගී බස් රථය පාමුල සිටි පුද්ගලයා දැකීමෙන් නිර්මලී මෙන්ම රශිඳුද විශ්මයෙන් ඇලලී ගියහ.

-----------------------------------------------------

තරඟාවලිය පුරාම දස්කම් දැක්වූ තුන් ඉරියව් ක්‍රීඩක රශිඳු ගෝකුල අවසන් වටය වන විටදී හොඳම පන්දු යැවීමට වූ දෙවන ස්ථානයත් , වේගවත්ම අර්ධ ශතකයන් අතුරෙන් තුන්වන ස්ථානයත් ලෙස වාර්තා තබා තිබීම නිසා මාධ්‍යවේදීන් සිටියේ ඔහු හා ප්‍රේමයෙන් වෙලෙමිනි. 

සෑම තරඟයක් පාසාම විකට්ටුවක් ලබා ගත් සැනින් ඔහුටම ආවේණික වූ අභිනයක් පා සිය දබර ඇඟිල්ලත් , මැදඟිල්ලත් මුවට ලංකොට ප්‍රේක්ෂකාගාරයේ සුවිශේෂී සුරූපීනිය වෙත පාකර හරිනා හාදුවත් , එය අතින් ගුලිකොට හදවතේ වම්පසට තදකොට ගන්නා දර්ශනයත් වැරදුනේ නැත.
' මගේ ශක්තිය , මගේ හුස්ම සහ මගේ ආදරේ!'

එලෙසයි ඔහුගේ මුවින් ඈ ගැන කියවුනේ.

' 🌎🌈🔥💫 ලෝකේ ලස්සනම වයිෆ් ඉන්නේ මට!'

Instagram ගිණුමේ එලෙසයි ඈ ගැන කියවුනේ.
.
.
.
.

ඉන් වසර ගණනාවකට පසුවත් දරාගත නොහැකි සීතලේ දුම්වැටියක් උරමින් , රශිඳු ගෝකුල ඒ මතකයන් හා එක්වන මොහොතේ මනසේ ඇඳෙන්නෙ ඇගේ ඒ ප්‍රේමණීය බැල්මයි.
' හිටියානම් සිගරට් එක ඇදලා විසි කරයි'

මුවඟට නැගෙන්නේ සිනාවකි. පොඩියට , ලස්සනට හිටියාට ඇගේ දඟකාර සැරවැර දන්නේ තමා පමණක් නොවේද?

නිවස පහළ කාලගෝට්ටිය මදකට නිමාවූ නිසා එතෙක් බලාපොරොත්තුව සිටි අමුත්තන් ඒ වනවිට පැමිණ ඇති බව වැටහුනද, රශිඳු තවදුරටත් සිය කාමරයට වී සිටින්නට තීරණය කළේය.

මේ සීතල; මේ පාළුව වඩ වඩාත් දැනෙන්නේ ඈ තමා අසළ නොමැති නිසාය. ඈ මේ මොහොතේ කුමක් කරනවා ඇතිද? ඊර්ෂ්‍යාවෙන් තමාගේ ගත පෙලා දමන තරම ඈ දන්නේ නම්...  


-----------------------------------------

එක අතකින් රශිඳු ගෝකුල වේගයෙන් තරුණියන්ගේ සිහින කුමරා වෙද්දී අනෙක් අතින් ඔවුන් දෙදෙනාගේ පවුල් ජීවිතය ගැන පලවූ නොයෙකුත් ජුගුප්සාජනක තොරතුරු සමාජ මාධ්‍යජාලා වල ඒ මේ අත සරන්නට වූයේ අසාමාන්‍ය ලෙසයි.
ගොසිප් පිටු වලට හෝ වෙනත් පුවත්පත් වලට පුද්ගලික සම්මුඛ සාකච්ජා ලබාදීම රශිඳු වහා නතර කලේ ඔහු නොකියූ අනවශ්‍ය කතාවක් ලියා තිබීමෙන් පසුවය.
අනතුරුව සිදුවූ සිදුවීම් රැස අතරින් නිර්මලී වේදනාවට පත්කොට තිබුනේ වසර විස්සකට ආසන්න කාලයක් තිස්සේ නැවත නැවතත් අළුත් කරමින් නොනවත්වා ප්‍රදර්ශනය කොට තිබුනු නිර්මලීගේ පින්තූරය සහිත දැන්වීම , CIMA පංති පවත්වාගෙන ‍යන ආයතනය විසින් ඇගේ වත්මන් ක්‍රියාකලාපය ගැන වූ අප්‍රසාදය නිසා ඉවත්කොට දැමූ බව දැනගත් මොහොතයි. 
'මිසිස් ගමනායක අපිට පබ්ලික් ෆිගර් එකකට ගන්න බෑ දැන්. '
ඈට ආරංචි වූයේ එලෙසය. 
අපහසුවෙන් නගාගත් සිනාව සමඟ මගහැර ගිය ඇගෙන් ඒ ගැන නොවිමසන්නට රශිඳු කල්පනාකාරී වුවද ඒ වේදනාව ඈ නානකාමරයේ කරාමය විවෘත කරගෙන ඇති තරම් හඬා පිටකරගත් බව අදටත් ඔහු දන්නේ නැත.

ඉන් වඩ වඩාත් ඔවුන් අතර වූ බැඳීම සහ ප්‍රේමණීය බව තිර වූ බව , වෙනදා මෙන්ම ඔවුන්ගේ ප්‍රසිද්ද ස්ථානවලදී එකිනෙකා වෙත හෙලනා සුවිශේෂී බැල්මෙන් හා හැසිරීමෙන් මොනවට ඔප්පු වෙමින් පැවතුනි.
' baby girl ඔයා තමයි මට වෙච්ච හොඳම දේ! '
' රශී.. මගේ ජීවිතේ සතුට සැනසීම !'

-----------------------------

දබරය වූයේ නිසැකයෙන්ම එන පරම්පරා ගැටුමයි. 
" රශී ඔයා ඔච්චර instagram එකේ පැයෙන් පැයට පින්තූර දාන්නෙ හැබෑටම පිස්සුද?"
ඒ ගැන වගක්වත් නොමැතිව රශිඳු ඒ මොහොතේත් පුහුණුවීම් අතරතුර ගත් ජායාරූපයක් එයට එක්කලේය. සැනින් එයට ලයික් කමෙන්ට් රැසකි. ඔහුගේ වතේ සිනාවට නිර්මලී ඔරවා සිටියේ දෑතම ඉනේ තබාගෙනය.
"..  රශී ඔයාට මම කියන දේ ඇහෙනවද? "
කොටිදෙනක් මෙන් රවාගෙන සිටිනා ඈ පසුකරගෙන යමින් කොපුලක් මිරිකා රශිඳු පාඩුවේ ගොස් ශීතකරණය විවර කළේය. 
".. ඒ මදිවට අර ක්‍රිකට් බෑග් එකේ තියෙන ඔක්කොම කාමරේ මැද්දෙ!"
" ආහ්.. මගේ ටී ශර්ට් එක හෙව්වා.. ඒක ඔයා හෝදන්න දාලා"
ගානක් නැතුව ඔහු කියන විට ඇගේ වත රතුවනු බලා ඉන්නට ආසා හිතෙයි. 
" නැතුව ඉතින්? IPL එකට ඇඳපුවත් නැතිනම් තාම බෑග් එකේ.. රශී මම ඔයාට රූම් එකක් දුන්නනෙ ඒවා දාන්න ! මේවා ඔක්කොම චම්පාට අස් කරන්න බෑ.."
රශිඳු ගානක් නොමැතිව සිටීමම ඈ තවත් තරහා ගස්සයි.
"..මොන කිලුට්ටෙක්ද මන්දා!"

බොමින් සිටි කිරි බෝතලය වහා නතරකොට , රශිඳු හිස හරවා සිටියේය.
" කවුරු?"
" කිලුට්ටා! "
" ආ.. එහෙමද මැඩම්! ආයෙ අල්ලන්නෙ නෑ මගේ ටීශර්ට්..! ටීම් එකේ ටීශර්ට් වලට අත තිබ්බොත් බලාගෙනයි!"

නිර්මලීට සිනාව පනින්නට ආ නිසා ඈ ආපසු හැරුණාය.
" මාත් ඉන්නව instagram එකේ.. හුහ්"
-----------------------------------------------

අකිත්මාගේ ලන්ඩන් උසස්පෙළ නිමවනවාත් සමඟ වීසා බලපත්‍ර ලැබීම නිසා අකිත් මලයාසියාවේ විශ්වවිද්‍යාලයට ඇතුලත් වීමට විදෙස්ගත විය. හදවත පුරා දැනෙනා වේදනාවෙන් ඔහුට සමුදුන් නිර්මලී දැක හිමාල්ගේද දෑස තෙත්වී තිබිණ.

අකිත්මා සමඟ ඔහු ඇරලවන්නට හිමාල්ද ගිය නිසා නිවස පාළුවට ගිය මුත් නිර්මලී ඊට හුරුවන්නට උත්සහ කළාය. වරක් සහ දෙකක් දිමුත් හා රාත්‍රී ආහාරයට ඔවුන් එක්වූයේ නිවසම ජීවයෙන් පුරවමිනි. ඉතිරි දිනවලද රශිඳුගේ දඟකාර පෙම්වත් බවින් හැඩ වී තිබුණු නිසා දෙදෙනා සිටියේ ඒ නිදහස ඇති තරම් විඳිමිනි. 
බොහෝ උදෑසනවල් වල මාලතී බලන්නට යන රශිඳු අත ඈට අවශ්‍ය කෑම වේලක් යවන්නට නිර්මලී උත්සුක වූයේ තමා සමඟ කතාබහ නොකලද, රශිඳුගේ තෝරාගැනීම නිහඬව ඉවසූ රශිඳුගේ අම්මාට ඇති හදපිරි ගරුත්වය නිසාමය. නමුත් ලේලිය සමඟ වදනක් හෝ දොඩන්නට මාලතී නොඒම රශිඳු වේදනාවට පත්කල බව නොරහසකි. 
' කොවිඩ් කියලා බොරුවට අපිව හිරකරපු වෙලාවේ, නිර් නොහිටින්න මම මාර විදියට වැටෙනවා අම්මා'

අනතුරුව සිදුවූ ගොඩක් සිදුවීම් වලදීත් නිර්මලී තමාටත් වඩා ශක්තිමත් බව රශිඳු තේරුම්ගෙන තිබිණ. තමාගේ තේරීම නිවැරදි බව ඔහු තව තවත් හද පතුලෙන්ම තහවුරු කොට සිටියේය.

ප්‍රේමය යනු එයද? වඩ වඩාත් තම ප්‍රේමිය වෙනුවෙන් දිනෙන් දින , මොහොතින් මොහොත ඇලී ගැලී සිටීම?? තව තවත් ඈව හදවතින් අල්ලාගෙන සිටීම හා යථාර්ථය ඔස්සේ ඇතිවන මතගැටුම් වලට වැටි වැටී හෝ මුහුණ දෙමින් ඉදිරියටම යාම?

වැඩිහිටියන් බොහෝ දෙනා පැවසුවේ නිර්මලී යනු ඔහු කරනා ලොකුම වැරදි තෝරාගැනීම බවයි. නමුත් හදවතට දැනෙනා ප්‍රේමය , පිටතින් පෙනෙනා හුදු ලිංගික තෝරාගැනීමට අභියෝගයකි. මිනිසුන් මුලදී එවන් දෙයකදී පළමුව පහර දෙති. හැකි සෑම විටෙකම කොනිත්තමින් හිත හූරා යන වචන වලින් දමා ගසති. එයින් වන වේදනාවන් හෝ මානසික කඩාවැටීම් ගැන කිසිදු අනුකම්පාවක් නැත්තේමය.

තමන්ට වඩා කඩු තුඩු මතින් ඇවිද ආ නිර්මලී , සැමදාම ශක්තිමත් ගැහැණියක් ලෙස මෙන්ම තමාගේ සිතුම් පැතුම් ඉවසමින් සහ ඒවාට අනුගත වෙමින් අල්ලාගත් අත අතහරිනු නැති බව ඔහු උදෙක්ම විශ්වාස කළේය.

-----------------------------------------------


" මේ මොනාද මේ?? ඇයි මේ බේත් මෙතන? "
නිර්මලී ගල්ගැසී ගියේ අමතක වූ බෙහෙත් පෙත්ත සයනයේ පැති කබඩ් එක මත දැකීමෙන් රශිඳුගේ උස්ව නැඟුනු හඬ නිසාමය.
' ශික්! මට බැරිම ඔය බේත් බොන එක..! ඈක්කා.. හරි අප්පිරියයි. අනික මට අමතක වෙනව'
එසැනින් ඈට මතකයට ආවේ අද උදෑසනට නියම වූ පෙත්ත තවමත් ඇගේ ගවුම් සාක්කුවේ බවයි. එය මතක් කොට චම්පා තමා අතට ගෙනැවිත් දුන්නද ඈට එය බොන්නට මතක නැතිවිය. ඇය සැනින් එය ගෙන මුවේ ලා ගත්තේ දැන් දැන් එය රශිඳුගේ අතටම හසුවන්නට නියමිත බැවිනි.
ඈ නානකාමරය දෙසට යන රශිඳු දෙස බලා වහා වතුර උගුරක් ගිල්ලාය.

" ආහ්. ඒක රෑ එක.. චම්පා ගෙනත් තිබ්බ"
රශිඳු වරක් ඔරවා මෙන් බලා පසුව ඇගේ හා මුහුණ දැකීමෙන් මෙලෙක් වූ සිතින් මද සිනාවක් පෑවේය.
" බේත් වරද්දගන්න එපා baby girl.. තව සතියකට පස්සේ ඉන්ඩියා යනකොට රිපෝට්ස් ඔක්කොම නෝමල් වෙන්න ඕනෙ"

නිර්මලීගේ හදවත ගැහුනේ අධි වේගයෙනි. තමන් හරිහැටි බෙහෙත් නොබිව් බව හසුවේද? 
' මිසිස් ගෝකුල.. ඔයාගෙ ස්වාමිපුරුෂයා ඔයාට ගොඩක් ආදරෙයි. ඔයා ගැන ගොඩක් සැලකිලිමත්. මේ කෝස් එක කරන්නේ ඔයාගෙම හොඳට. ඒ හින්දා උනන්දුවෙන් බේත් ටික බොන්න. මොකද ඔයා ගර්භනී උනොත් ලොකු අවදානමක් එන්නෙ ඔයාට. '

Zoom තාක්ෂණය ඔස්සේ ඈ ඇමතූ වෛද්‍යවරිය කරුණාවෙන් පෙරදින පැහැදිලි කොට දුන්නේ වරක් හෝ දෙකක් නිර්මලී අතින් බෙහෙත් මහහැරී ගොස් තිබීම ගැන දැනගත් වහාමය.
.
.
.

ඊට වසර ගණනාවකට පසුව තවදුරටත්....

" baby girl.. මම එහෙම හිතලා ඔයාට දුන්නේ සූළුපටු presure එකක් නෙවෙයි කියලා මට ඒ වෙලාවේ දැනුනේ නෑනෙ දෙවියනේ... නැතිනම් ඉන්ඩියා යන්න කලින් මම ඒ වගේ පිස්සුවක් කෙලින්නේ නෑ!"

 දුම්වැටියේ අවසන් කොටස අළු බඳුනේ තදකරමින් කල්පනා කරන රශිඳු ගෝකුල විටෙක නැඟෙන ශෝකයත් ; සිනාවත් යන හැඟීම් මිශ්‍රණය හා සටන් කරන්නේ ඉන්දියානු සංචාරය කටමුල තබාගෙන පැමිණි ඒ සිදුවීම සිහි කරමිනි.

-------------------------------------------

තවදුරටත් වර්තමානයේ.....

දෙතුන් වරක් කතා කලද පිලිතුරක් නොලද නිසා රශිඳු ඔහුගේ ක්‍රීඩා කාමරයේ සිට හිස එළියට දමා බැලුවද කෙලින්ම පෙනෙනා ඔවුන්ගේ ප්‍රධාන නිදන කාමරයේ අඩවල්කොට ඇති දොර තුලින් යන්තමට ඈ පෙනෙන්නේ සයනය මත හිඳගෙන සිටිනා ලෙසටය.
' මෙච්චර බෑග් පැක් කරන්න තියෙද්දි මොකක් කරනවද?'
රශිඳු ඒ වනවිට එදින රාත්‍රියේ පිටත්වීමට නියමිත මාසයක කාලයක් වූ ඉන්දියානු තරඟ සංචාරය සඳහා ගමන්මලු සූදානම් කරමින් සිටියේය.

ඇතිවූ වික්ශිප්තභාවය නිසා රශිඳු කරමින් සිටි වැඩය නතරකොට සෙමෙන් ඇවිද ගොස් නිදන කාමරයේ දොර අසළ සිට දොර විවෘත නොකරම පෙනෙන හිඩැසින් ඇතුල බලද්දී දකින්නේ බිරන්තට්ටුව මෙන් සයනයේ වාඩිවී දෙතුන් වරක් අතට ගත් උණ කටුවක් වන් දෙයක් දෙස බලනා නිර්මලීය.

" baby girl... Are you ok?"
නිර්මලී උඩගොස් වහලයේ වදින්නේ දොර ඇරගෙන එබුනු රශිඳුගේ හඬටය. නිර්මලී බිරාන්තව මෙන් ඔහු දෙස බැලුවේත් රශිඳු වේගයෙන් ඈ වෙත ඇවිද එන්නේත් එක විටෙකය.

".. ඇයි ? ඔයාට සනීප නැද්ද? හා?"
නිර්මලී කෙල පිඬක් ගිල්ලේ හුස්ම ගන්නට ආරම්භ කරමිනි. එසැනින් නිර්මලී අත තිබුනු උණකටුව වැනි උපකරණය දෙස බැලූ රශිඳු එය අතට ගත් සැනින් නිර්මලීට ඉබේටම නැඟිට්ටුනි.
" රශී.. මේ.."
" ඇයි ?? මූණත් සුදුමැලි වෙලා? ඔයාට සනීප නැද්ද? උදේටත් කෑවෙ නෑ හරියට.. "
රශිඳු අතට ගත් උපකරණය වෙත අවධානය යොමුකරත්ම නිර්මලී සිය යටිතොල සපාගෙන වේගයෙන් හුස්ම අල්ලන්නට වුයේ ඔහුගේ දෑස් එහි අදාල තැන නතර වෙද්දීය.
" OH MY GOD! මේ.. මේ.. Holy s&@$!!"
" yes"
නිර්මලී සිරවන උගුරෙන් එන හැඬුම වලක්වාගෙන පැවසුවේ රශිඳු ඈ දෙස දෑස් විසල් කරගෙන බලද්දීය.
" අනේ!! මගේ මැණික !!"
රශිඳු දෝතින්ම ඈ වැළඳගෙන හිස මත සිපුමක් තැබුවේ දෑස වසාගෙන ගැඹුරට හුස්මක් අල්ලමිනි.
".. Baby girl... මගේ පපුව පැලෙයි දෙවියනේ.. අපි එච්චර unlucky නෑ කියලා මම කිව්වේ.. අනේ ඒත්!"
 සිරවන්නට් එන ඉකිය නිසා නතර වූ රශිඳුගේ වචන ගැන වගක්වත් නොමැතිව නිර්මලී සිය මුහුණ ඒ උණුසුම් පපුවේම රඳවාගෙන සිටියේ උතුරායන ප්‍රීතියත් , තේරුම්ගත නොහැකි තරමේ මිශ්‍ර හැඟීමත් අතර දෝලනය වෙමිනි. 
".. මට හරි සතුටුයි මැණික !! මගේ පන ඔයා.. මට මාර සතුටුයි"
රශිඳුගේ දෑසින් වැටෙන කඳුලු නිර්මලී සිය අතින් පිසදමා දෝතින්ම ඔහුගේ කම්මුල් අල්ලාගෙන අපහසුවෙන් මෙන් දඟකාර සිනාවක් පෑවාය. 
" මටත්! Thanks Rashi!! " 
රශිඳුට දැනුනේ සිය ලය පැලී ලේ වහනය වන්නාක් මෙනි. හිස මත ඊයම් බරුවක් වැදුනාක් මෙනි.

'මේ කෙල්ල ඇයි ඒ වගේ ඕනෑනැති දෙයක් කලේ?? ශුවර් එකට බේත් එක බීලත් නෑ! ෂික් විතරක් මාත් කලානෙ ගොං වැඩක්!!'

ඔව්!

නිර්මලී චාරුකා , රශිඳු ගෝකුල නමින් මවක් වන බව සඳහන් වූ පණිවිඩයයි එය!

-------------------------- මතු සම්බන්ධයි ----------------------



Tuesday, July 12, 2022

338: උන්මාද චිත්‍රාදෝ මා 70




ඔවුන් නැවතත් අග නගරයට එන අතර හදිසියේ එල්ලවූ ත්‍රස්ථ ප්‍රහාරයක් මෙන් සමාජ මාධ්‍ය හරහා රශිඳු ගෝකුලගේ සහ නිර්මලී චාරුකාගේ හදිස්සි විවාහය කුණාටුවක් මෙන් පෝස්ටු වැසි වසින්නට විය. 
' හොර රහසේ මඟුල් කෑ තරුණියන්ගේ සිහින කුමරා - රශිඳු ගෝකුල - පින්තූර සහිතයි' ( පින්තූර වූයේ යුවලගේ සාමාන්‍ය පින්තූර සහ නිර්මලීගේ පින්තූර ‍රැසකි)
' කෝටිපතිනිය හා හදිසියේ විවාහ වූ ක්‍රිකට් තරුව - වීඩියෝ සහිතයි' ( වීඩියෝ ලෙස තිබුනේ රශිඳු ක්‍රීඩා කරන අයුරුයි)
' තමන්ට වඩා දෙගුණයක් වැඩිමල් බිරිඳ සමඟ රශිඳු ගත් සරාගී පින්තූර ' ( වාහන අංගනයේ දෙදෙනා සිටින පින්තූර කිහිපයක් සහ නිර්මලීගේ පැහැදිලි පින්තූර කීපයක්)
' ලංකාවේ තරුණියන්ගේ සිහින කුමරා හොරෙන්ම බැඳලා - බිරිඳ හිටපු කෝටිපතියෙකුගේ බිරිඳක්'
' රශිඳු ගෝකුල හදිස්සියේ යුගදිවියට'
' සැමියාගේ මරණයෙන් වසර විස්සකට පසුව නැවතත් මංගල සීනු හැඬවුනු කෝටිපතිය'

339: උන්මාද චිත්‍රාදෝ මා 71


 


සීතල හෝටල් කාමරයේ වීදුරුව තුලින් පෙනෙනා ගොඩනැගිලිවල උස් මුදුන් වෙත ඇස රඳවාගෙන උන් නිර්මලීගේ දැහැන බිඳෙන්නේ අතපත ගාමින් සයනයේ ඒ මේ අත ගිය බූල් අත ඇගේ බඳ වටා එතෙද්දීය. ඈට ඉබේටම නැගෙන්නේ සුපුරුදු මද සිනාවයි. 

' පිස්සුවක් රශී ඔයා නම්!'

ඔවුන් ඒ වනවිට IPL සඳහා සූදානම් වන්නට ඉන්දියාවට පැමිණ දින කීපයක් ගතවී තිබිණ. ගුවන් යානයෙන් බට මොහොතේ පටන් රශිඳු ගෝකුලට විවේකයක් තිබුනේම නැත. ඔහු පස්සෙන්ම ගොස් නිර්මලී සිටියේද සැහෙන පදමට වෙහෙසවීය. නිදහසේ හුස්මක් ගන්නට ලැබෙනා ප්‍රථම දිනය අදයි. 

නිර්මලී ඔහු සිටි පසෙට හැරී එහෙ මෙහෙ වී තිබුනු පොරවනය සකසන්නටවත් උනන්දු නොවී ඔහුට තුරුල් වූයේ නැඟී ආ මන්දහාසය එලෙසම විසිරී යන්නට ඉඩ හරිමිනි. ඇගේ වම'ත ඔහුගේ පපුව ඔස්සේ සෙමෙන් ගමනකය.

" හ්ම්ම්ම්.. මොකද මැඩම් මොනවද හොයන්නෙ? ආ?"

නිදිබර වුවත් ඒ හඬ ප්‍රේමණීය බවින් නම් මදකුදු අඩු නොවීය. ඈ ප්‍රියකරන ඒ අත්බාහු වලට තවත් තදවන්නට ඉඩදී නිර්මලී ඇගේ කොපුලක් තදින් එම උණුසුම් පපුවේ තදකොට සිටියාය. රශිඳු එක් ඇසක් විවර කොට බැලුවේ මද සිනාවක් සමඟිනි. 

Thursday, July 7, 2022

337: උන්මාද චිත්‍රාදෝ මා 69


 

රතුවූ දෙනෙත් වහා ඉවතට හරවා අසලංක දුරකතනය වෙත නෙත රඳවා ගත්තේ සංවාදය එතරම් ගණනකට නොගත්තාක් මෙනි. තමාගේ ගත අහසේ පා වෙනවා සේ දැනී තමන් සැමදාම වැඩිපුර හිතන්නට ගොස් සියල්ල අහිමි කරගත්තා නොවේදැයි දැනෙනා හැඟීම මැඬගන්නට ඔහු සමත් නොවීය.

' අනූජයා ගැන ඊට වඩා ඇත්ත කියලා මට නිර්ව බේරගන්න තිබ්බ. එහෙම උනානම් ඒකි කවදාවත් වැන්දඹු ගෑනියෙක් වෙන්නෙ නෑ!'

' එහෙම උනානම් නිර් මට අයිතිවෙලාත් අවුරුදු විස්සකට වැඩී'

' අනූජයා මැරුනම කෙල්ලව මගේ අත් දෙකට වැටුනේ. ඇයි මම ඉක්මන් උනේ නැත්තේ? ඇයි මම ඊළඟ පියවරට නොගියේ?? මම නිර්ට ආදරේ කරන්නේ හරිම පරෙස්සමින්, ඒක හින්දද?'

' අසේකාව මැරි කලේ ඒ කේන්තියට තමයි. අසේකාගෙන් දරුවෙක් ඕන කියලා ප්‍රෙෂර් කලේ අසේකා ඒකට සූදානම් නැති වෙලාවක ; මට ඕන හිතුනාම.. මම ඒ කලේ අසේකාගෙන් පලිගන්න එක.. මට ඕන කලේ නිර්ගෙන් බබෙක්.. උඹ මගේ කියලා කියන්න පුලුවන් විදියක්. වෙන කරන්න දෙයක් තිබ්බෙ නෑ.'

අසලංක පන්ච් එකක් සාදා ගත්තේ මෙතැන සිය සුපුරුදු ස්කොච් වඩියට නොගැලපෙන නිසාය. හිත පෙලන සිතුවිලි නිසා මේ ගතවන්නේ තුන්වන වේදනාකාරී දවසයි. නිර්මලී මේ තරම්ම තමා අල්ලාගෙන සිටියාද?

".. මචං.. උඹ හිතනවද ඔය හුටපටේ මාසයක් අවුරුද්දක් තියෙයි කියලා ? මචං ඌ මේ විස්සක කොල්ලෙක්.. කුලප්පුව තදවෙලා බැන්දට.... අනික ඌ නැෂනල් ටීම් එකේ එකා.. ටුවර් සෙට් වෙනකොට තව අමාරුයි හෙහ් හෙහ්...  අපි නොදන්න චෙස්! "

සිය බැංකු සගයා තාරුක එසේ පවසමින් අසලංකගේ උරයට තට්ටුවක් දැම්මේය.

Monday, July 4, 2022

336: උන්මාද චිත්‍රාදෝ මා - 68 web version



මේසය මත හිස ගසාගෙන උන් ඔහු වෙත චකිතයෙන් මෙන් ලංවූ නව්‍යා මදක් වටපිට බැලුවේ හේතුවක් ඇතිවය.

" මි.. මිස්ට දල්පදාදු ?"

හිරාන් දුන්නක් සේ කෙලින් වී සිටගත්තේ යන්ත්‍රයක් මෙනි. ඔහු එහෙට මෙහෙට වැනුනේ නව්‍යා මදක් බියපත් කරවමිනි. 

" ඕව්! මිට්ට ඩල්පඩාඩු තමයි ! මොකද මිශ් නව්‍යා.. හුටා සර්නේම් එක මතක නෑහ්"

ඔහුගේ හඬ පමණට වඩා උස් වූයෙන් නව්‍යා තැති ගත් අතර ඔහුගේ මිතුරා කවීශ වහා හිරාන් අසළට පැමිණ යුවතිය දෙස රවා බැලුවේ ඈ හඳුනාගනිමිනි. 

" ඇයි මේ? මෙච්චර බීලා?"

Related Posts Plugin for WordPress, Blogger...